“Əncirə ve zeytuna and olsun.” (Tin surəsi, 1)

Peyğəmbərimizə ( s. a. s.) birisi əncir verir alandan sonra belə buyurur: “Əgər məndən cənnətdən hansı meyvə gəlmişdir soruşsalar “Əncir” deyərdim.”

Bəli, əncir həqiqətən mübarək ağaclardandır, tükənməz faydaları vardır. Bakı kəndlərinə gedəndə yol boyu ağ Bakı ənciri satılır, Abşeron əncirinin çox möhtəşəm dadı və faydası var.

Əncir meyvələr içində ən çox liflərlə zəngin meyvədir. Son araşdırmalara əsasən əncir mədə və bağırsaqların işini normallaşdıran, şlaklardan təmizləyən ən yaxşı vasitədir. Buna səbəb tərkibinin liflərlə zəngin olmasıdır. Əncir ziyanlı xolesterin səviyyəsini çox rahatca düşürmə gücünə malikdir, bunula da əncir bizim ürəyimizin dostudur deyə bilərik. Əncirin tərkibindəki zəngin kalium bizim ürək əzələrimizin vurma zərbəsini artırır, bizi infarktan qoruyur. Əncirin tərkibində belə bir maddə var, buna fenol deyirlər. Fenol özü bir zəhərdir. Əncirin tərkibindəki fenol isə bizləri yox, bizim mədə-bağırsaqlarımızda parazitlik edən mikroorqanizmləri öldürür. Bununla da əncirdən lyambliya və başqa mikroorqanizmlərin müalicəsində istifadə edə bilərik. Quru əncirin tərkibində omeqa 3 və omeqa 6 yağ turşuları vardır. Bunlar insan orqanizmində istehsal olmazlar. Bu turşular sayəsində bizim ürək qan-damar sistemimiz mükəmməl işləyir, beynimiz bu turşular sayəsində çalışır.

Arıqlamaq istəyənlər üçün əncir idealdır, tərkibində yağ yoxdur. Yüngül işlədici xüsusiyyəti sayəsində bağırsaqlardakı toksinləri təmizləyir, piylənmənin qarşısını alır.

Əncir bütün meyvələrin içərisində ən çox minerala sahibdir. 50 qram əncirdə 280 mlq kalium, 60 mq kalsium, 1.5 qram dəmir və s. vardır ki bununla da əncir əsl mineral mənbəyidir. Deməli uzun sürən xəstəliklərdən sonra orqanizmi bərpa etmək üçün ən yaxşı qidalardan biri əncirdir. İstər təzəsi olsun, istərsə də qurusu.

Bəzi adamların qanında kalsium çox olur, sümüklərində isə az deməli, bu adamların sümükləri kalsiumu mənimsəyə bilmirlər, əncirin tərkibindəki kalsiuma bu aid deyil. Əncir yeyilən zaman kalsiumun hamısı rahatca sorulur.

Bəzi adamlarda dəmir çatışmır, amma dəmir preparatları içsələrdə xeyri olmur. Əncirin tərkibindəki mis dəmirin yarısı qədərdir, bu nisbət dəmirin rahatca sorulmağına səbəb olur.

Uşaq və böyüklərdə yuxarı tənəffüs yollarında bronxit, öskürək, səs batması və s. kimi hallar varsa, 300 qram südün içinə 5-6 ədəd quru əncir atın, 5 dəq qaynadın gün ərzində yavaş-yavaş için.

Əncir meyvəsini ortadan kəsəndə bu qadın yumurtalığının tam bənzəridir. Məlum olmuşdur ki, əncir qadınlarda yumurtalama prosesini artırır, bununla da əncir qadın sonsuzluğunun müalicəsində idealdır.

Məlum olmuşdur ki, əncir kişilərdə aktiv spermaların sayını əhəmiyyətli dərəcədə artırır, bununla da əncir yemək kişi sonsuzluğunun qarşısını alır.

Səhər quru ənciri zeytun yağını içinə atın, günorta yeməkdən əvvəl yeyin. Günorta atın, axşam yeyin. Axşam atın, səhər yeyin beləcə 1 ay davam edin. Bu, bronxit, astmabronxit, mədə yarası, qastrit, bağırsaq yaraları, babasil, qəbizlik, yüksək xolesterin, osteoporoz (sümükdə kalsium çatışmamazlığı) prostatit, ezofaqit (qida borusu yarası), öd durğunluğu, pankreatit kimi xəstəliklərinizi müalicə edəcəkdir inşaAllah.

Əncir ana südünü artırır, əzələ qıcolmalarını götürür, yüksək qan təzyiqini salır. Əgər bizlər çay içən zaman qənd əvəzinə quru əncir istifadə etsək, görün nə qədər sağlam olarıq.

(1,153 dəfə baxılıb)

Suallarınızı (012) 5618501/ (012) 4927697 nömrələr vasitəsilə əlaqə saxlamaqla verə bilərsiniz.