Bu gün dünyanın daha dərindən və geniş bir şəkildə araşdırdığı bitkilərdən biri də boymadərəndir, çünki boymadərənin təsir sferası o qədər genişdir ki, yeni-yeni araşdırmalar hər zaman aparılır və bu araşdırmaları nəzərinizə çatdırmağı özümə borc bildim.

Boymadərən (тысячeлисник, civanpərçəmi, lat. Achillea)

Avropada, Amerikada və eyni zamanda Azərbaycanda geniş yayılmışdır.

Əsasən bağ, bostan sahələrinin ətraflarında daha çox bitir. Azərbaycanda ağ və sarı boymadərən daha çox bitir. Tibbi boymadərən isə ağ boymadərəndir.

Boymadərən otunun tərkibində efirli birləşmələr daha çoxdur (azulen, sinesol, limonen, borneol, xamozulen və s.)

Təsirləri: bakterisit, iltihabəleyhinə.

İstifadəsi çox əhatəlidir.

Qadin xəstəliklərində: Boymadərən çayını içən qadınlarda adət pozğunluğu olmur, hətta problemli adət pozğunluqlarında ən təsirli vasitə kimi istifadə oluna bilər. Qadınlarda vaginadan gələn iltihabi axıntının və vaginada erroziyaların qarşısını almaq üçün çox yaxşı bir vasitədir. Bu məqsədlə çayından və 10 %-li sulu dəmləməsi ilə vagina şırınqa olunur. Menopauza dövründəki sıxıntıları aradan götürmək üçün dəmləməsi istifadə olunur. Qadın xəstəlikləri ilə bağlı bütün iltihabi xəstəliklərdə dəmləməsi çox təsiredicidir.

Dəri xəstəliklərində: Boymadərənin tərkibindəki acı maddələr dəridə parazitlik edən mikroorqanizmlərə qarşı idealdır. Bunun üçün 50 qram boymadərən 500 yarım litr suda dəmlənilir, sonra tənziflə bütün bədənə sürtülür və yaxud 200 qram bitkini 3 litr suda dəmləyin, sonra hamam vannanızın suyuna qarışdırın, dəridən gələn iyləri götürəcək və dərinizi təravətləndirəcəkdir.

Mədə bağirsaq xəstəliklərində: Qida borusu iltihabında, qastrit, kolit kimi xəstəliklərdə 10 %-li çayının qəbulu gözəl nəticələr verir, kolitdə və qeyri-spesifik bağırsaq xorasında, supru xəstəliyində iltihabəleyhinə vasitə kimi əla nəticələr verir. Xəstələri uzun sürən hormonal dərmanlardan uzaq tutmaq üçün çox təsirli, yan təsirləri olmayan bir vasitədir. Qeyri-spesifik bağırsaq xoralarında bir hissə boymadərən, bir hissə gülümbahar, bir hissə quşəppəyi bitkilərinin qarışığından hazırlanılmış çay əla nəticələr verir. Tərkibindəki zəngin efirlər sayəsində çox təsirli bir yelqovucudur, köp əleyhinə təsirlidir. Biz Herba Flora firmasında boymadərənin efirli birləşmələrini ayırıb boymadərən ərağı hazırladıq, bu içki bütün mənşəli köpmələr zamanı əvəzolunmazdır (xatırladım ki, Avropada da bu içki geniş istifadə olunmağa başlayıb). İştahsızlıqda yeməkdən əvvəl içilərsə, iştahı artırıcı təsir göstərir.

Qurd xəstəliklərində: Boymadərənin 10 %-li dəmləməsi qurdqovucu kimi içilir. Bu məqsədlə bir həftə müddətində yeməkdən əvvəl gündə üç dəfə bir stəkan 10 %-li dəmləməsi içilir.

Bronxitdə: 200 qram boymadərən otu toz kimi üyüdülür, üzərinə yarım kilo bal əlavə olunub məcun hazırlanılır. Bu məcundan gündə 3 dəfə, yeməkdən əvvəl 1 çay qaşığı yeyilir.

Səpgilərdə, sızanaqlarda, demodeksdə: 1 xörək qaşığı boymadərən 1 stəkan suda dəmlənilir, soyudulur, səpgi yerləri gündə 4-5 dəfə pambıqla silinir. Demodeks gənələrinə öldürücü təsir göstərir. Bu nisbət yaraların müalicəsində də effektlidir.

Boymadərən otunun dəmləməsi böyük qan dövranı pozğunluğunda faydalıdır (əl,ayaq soyuqluğunu aradan qaldırır). Ürəkbulanma zamanı faydalıdır, konyuktvitdə göz qızarmasında faydalıdır. Tez-tez burun qanamalarında faydalıdır.

Bütün iltihabi xəstəliklərdə sulu dəmləməsi daxilə qəbul olunur.

(6,509 dəfə baxılıb)

Suallarınızı (012) 5618501/ (012) 4927697 nömrələr vasitəsilə əlaqə saxlamaqla verə bilərsiniz.