Kəndimizə gəlmişdim, ata evinə qardaşım oğlunun 11 yaşı var, əlində enerji içkisi içən gördüm, soruşdum ki, hər gün içirsənmi, maraqlı cavab verdi, deyir: “Hər gün ikisini içirəm, məni gümrahlaşdırır, enerji verir”, sonra belə deyir: “pulum çox olanda 3- 4 dənə içsəm əla olar.” Baxın, 11 yaşında uşaq pulunu yalnız enerji içkisi almaq üçün xərcləyir. Başqa heç nə haqqında düşünmür.

Bəs enerji içkiləri həqiqətən enerji verirmi? Xeyir, vermir, sadəcə bədənin ehtiyyat enerjisini istifadə etməyə məcbur edir. Bu içkilərin içindəki taurin zülal sintezində iştirak edir. Aniden həyəcanlananda, əsəbləşəndə bu maddənin qandakı miqdarı azalır və sonra bərpa olunur. Bizim kənardan yüksək dozada aldığımız taurin zülal sintezini artırır və hərəkət aktivliyini artırır. Başqa bir maddə isə kofeindir. Kofein halsızlıqda, yorğunluqda sinirlərin ötürücülük qabliyyətini artırır. Kofein də bizim bədənimizdə lazım olan qədər istehsal edilir, amma kənardan yüksək dozada qəbul olunmuş kofein bədənimizi həddindən artıq hiperaktivləşdirir. Bunlardan əlavə yüksək dozada karbohidrat mübadiləsini alovlandıran maddələr var. Bütün bunların bədənimizdə istehsal olunmasına baxmayaraq, kənardan yüksək dozada qəbulu bizim bədənimizdə bu maddələrin istehsalını azaldır və orqanizm kənardan bu maddələri almağa öyrəşir və beləcə getdikcə dozanı artırmağa məcbur oluruq.

Enerji içkilərini içən uşaqlar çox əsəbi, hiperaktiv və yersiz dərəcədə çılğın olurlar, belə uşaqlarda axşamlar sidikqaçırma daha tez-tez baş verir.

Bu içkiləri içməyə vərdiş etmiş insanlar istifadəni dayandıran zaman yorğun, halsız və əsəbi olurlar. Belə insanların iş qabilyyətləri çox aşağı olur.

(484 dəfə baxılıb)

Suallarınızı (012) 5618501/ (012) 4927697 nömrələr vasitəsilə əlaqə saxlamaqla verə bilərsiniz.