Bəzən insanlara kosmetik olaraq həqiqi təmiz zeytun yağı lazım olur. Evdə hazırlanan zeytun yağı rafinə olunmadığı üçün ən keyfiyyətli zeytun yağı hesab olunur.

Hazırlanma qaydası:

Əvvəlcə zeytunlar toplanır, tam yetişməmiş zeytunların yığılması daha məqsədyönlüdür, çünki tumundan daha tez ayrılır. Təxminən 1-2 kq zeytun toplanır, taxta çəkiclə əzilir, bu zaman tum meyvəsindən ayrılır. Yaxşı olar, bu zaman əlinizə əlcək geyinəsiniz, çünki əlləri qaraldır. Sonra tumundan ayrılmış zeytunlar şirəçəkən maşından keçirilir, bu zaman alınan həlməşik 2 hissəyə ayrılır: suyu və şrotu (tullantısı). Həmin hissələr qarışdırılaraq bez torbaya tökülür, sonra ağzı bağlanıb aşsüzənin içinə qoyulur, üstünə ağır yastı daş və ya dəmir parçası qoyulur ki, yaxşı sıxılsın. Süzmək üçün sintetik sellofanlar istifadə olunmamalıdır. Aşsüzənin altına isə qazan qoyulur və süzülənlər qazana tökülür. 1 gün sonra torbanın içindəkiləri də qaşıq-qaşıq balaca torbanın içinə qoyub əl ilə sıxmaq lazımdır.

Bundan sonra bir qıf götürülüb içinə pambıq qoyulur, pambığın ucu qıfın alt hissəsindən çıxarılır, zeytundan alınan şirə yavaş-yavaş tökülərək süzülür. Süzülən şirənin üstünə təmiz zeytun yağı yığılır, aşağı hissədə isə qara maye əmələ gəlir. Şirəni dar bir qaba töküb əvvəlcə qaşıqla, sonra isə ucu çıxarılmış şprislə üzündəki yağı ayırmaq lazımdır. Nəhayət, təmiz zeytun yağı hazırdır.

(2,151 dəfə baxılıb)

Suallarınızı (012) 5618501/ (012) 4927697 nömrələr vasitəsilə əlaqə saxlamaqla verə bilərsiniz.