Podaqra orqanizmdə purin mübadiləsinin pozulmasından əmələ gələn bir xəstəlikdir. Bu xəstəlik zamanı ayaq baş barmağının çöl hissələrində, dabanların altında, diz oynaqlarının ətraflarında şişkinlik və güclü ağrılar olur. Əgər sizdə belə hallar varsa, qanın analizini vermək lazımdır. Bu zaman sidik turşusunun miqdarı normadan çoxdursa, deməli sizdə podaqra əlamətləri var. Bundan sonra böyrəklərinizi də yoxlatdırın, çünki bu zaman böyrəklərdə çox vaxt urat mənşəli duzlar olur. Podaqra daha çox ət yeyən, əsasən mal əti yeyən insanlarda olur. Bu zaman ət, balıq, göbələk kimi yeməklər azaldılmalı, təzə tərəvəz yeməkləri, əsasən salatlar daha çox qəbul edilməlidir. Orqanizmdə bu zaman daha çox turş mühit yarandığından mütləq hidrokarbonat mənşəli mineral sulardan gündə 2 stəkan içilməsi məsləhətdir ki, bədənimizin mühiti qələviləşsin.

Gündə bir dəfə yeməkdən əvvəl bir xörək qaşığı alma sirkəsi içmək də faydalıdır.

Gündə bir dəfə yeməkdən əvvəl bir xörək qaşığı zeytun yağı (rafinə edilməmiş) içmək xeyirlidir.

Podaqra üçün resept:

Ayıqulağı – 100 qram

Mərcangilə yarpağı – 200 qram

Qatırquyruğu otu – 100 qram

Quş qırxbuğumu otu – 100 qram

İtburnu meyvəsi- 100 qram

Bu bitkiləri bir-birinə qarışdırın, qarışıqdan 2 xörək qaşığı 3 stəkan suda termosda dəmləyin, gündə üç dəfə yeməkdən əvvəl bir stəkan için. Daha bir resept: günəbaxan kökləri qurudulur, qurudulmuş günəbaxan köklərindən 2 xörək qaşığı 3 stəkan suda 5 dəq. qaynadılır, gündə 3 dəfə yeməkdən əvvəl 1 stəkan içilir (1 ay).

(1,753 dəfə baxılıb)

Suallarınızı (012) 5618501/ (012) 4927697 nömrələr vasitəsilə əlaqə saxlamaqla verə bilərsiniz.