Saç tökülməsi başlayıbsa, əvvəlcə bunun səbəblərini araşdırın. Nədən saçlarınız tökülür?

Səbəbləri aşağıdakılardır:

Stress (əsəbilik)

Vitaminsizlik

Hamiləlik və südvermə dövrü

Hormonal pozulma.

Əgər sizdə əsəb pozulması varsa, 1 ay müddətində gündə 3 dəfə yeməkdən əvvəl əsəb sakitləşdirici çay (Sedativ çay) içməyinizi məsləhət görürəm.

Vitamin və mineral çatışmazlığını aradan qaldırmaq üçün mövsümi meyvələr və göyərtilər yemək önəmlidir. Əgər sizdə qurd xəstəliyi varsa, nə qədər meyvə yeyilsə də xeyri olmayacaq. Mütləq qurdlardan yaxa qurtarmaq lazımdır. Bunun üçün 10 gün müddətində gündə 3 dəfə Teazol çayı içməyinizi məsləhət görürəm. 1 aydan sonra müalicəni təkrar edin.

Hamiləlik və laktasiya dövrlərində lazımi dərəcədə meyvə, tərəvəz, göyərti yeyilsə, əsəblərinizi qorusanız saç tökülməsi olmayacaqdır.

Hormonal pozulma zamanı qanda α-5 – reduktaza fermentinin miqdarı artır, bu da qanda dihidrotestesteronun miqdarını artırır, sonuncu saç diblərinin reseptorlarına təsir edir və keçəllik baş verir. Bu zaman fermentləri blokadaya almaq lazım gəlir, bunun üçün cırtdan palma meyvəsinin ekstraktından istifadə olunur. Bu zaman kişilərdə həm də prostat problemləri baş qaldırır. Nat-prostat kapsulundan istifadə həm prostat vəzin xoşxassəli böyüməsində, həm də saç tökülməsində faydalıdır. Kapsul gündə 3 dəfə yeməkdən əvvəl 1-2 kapsul qəbul olunmalıdır. Müalicə ən azı 3 ay aparılır.

Bütün bunlardan əlavə saçlara normal qulluq olunmalı, saç diblərini dərinləşdirən vasitələr həmişə istifadə edilməlidir. Əgər saçlarınızın canlı, sağlam olmasını istəyirsinizsə, yuyunmazdan 2-3 saat əvvəl saçlarınızın diblərini qara zirə yağı ilə masaj edin. Yumazdan əvvəl 1 xörək qaşığı bibəriyyə, tapmasanız lavanda bitkisini 2 stəkan suda dəmləyin, üzərinə 2 xörək qaşığı alma sirkəsi əlavə edin. Yuduqdan sonra bu dəmləmə ilə saçlarınızı yaxalayın, sonra su tökməyin. Saçlarınızın soğanaqları dərinləşəcək, qaşınma və kəpək götürüləcək, saç tökülməsi dayanacaqdır. Bundan başqa həftədə bir dəfə xına qoymağı məsləhət görürəm. Qadınlar Fitoton şabalıdı və qara xınadan istifadə etsinlər, çünki bu xınaların tərkibində xınadan əlavə basma bitkisi də vardır ki, bu da saç üçün çox əhəmiyyətlidir.

Saç tökülməsinin ən yaxşı müalicə üsullarından biri də başdan 3 yerdən həcəmət olunmaqdır. Bu zaman baş dərisinin qidalanması artır, dərialtı mübadilə yaxşılaşır və saçtökülmə aradan qalxır. Hətta yeni tökülmüş saçlar belə yenidən bərpa olunur.

Yuyunan zaman çalışın dəfnə sabunu ilə yuyunasınız, bu sabun tam təbii olmalıdır və nəinki saç, bütün dəri problemləri zamanı istifadə oluna bilər.

Bu maska yeni tökülmüş saçları bərpa edir və yeni ağarmağa başlamış saçları qaraldır:

Kənd yumurtasının sarısı – 1 ədəd

Alma sirkəsi – 2 xörək qaşığı

Gənəgərçək yağı – 2 xörək qaşığı

İtxiyarı meyvəsi (xiyərək) – 1 ədəd

Bunları bir-birinə qarışdırın, başınıza çəkin, 2 saat gözləyin, əgər yandırsa daha az gözləyə bilərsiniz və yaxud it xiyarının yarısını istifadə edə bilərsiniz. Bu maskanı həftədə 3 dəfə edə bilərsiniz. İtxiyarını tapmaq mümkün olmadıqda maskanı onsuz da hazırlayıb istifadə etmək olar.

(2,298 dəfə baxılıb)

Suallarınızı (012) 5618501/ (012) 4927697 nömrələr vasitəsilə əlaqə saxlamaqla verə bilərsiniz.