Bu gün dünyada hər gün yüzlərcə uşaq haqsızlığın qurbanı olur, amma biz öz əllərimizlə öz uşaqlarımızı həyat təhlükəsi ilə üz-üzə qoyuruq, öz əllərimizlə uşağın immun sistemini məhv edib həyatın ağuşuna atırıq. 

Əvvəllər valideynlərimiz ərik, alça, əncir qurusu kimi faydalı çərəzləri uşaqların ciblərinə doldurub məktəbə göndərərdilər, indi isə uşaqların nə yeyib, nə yemədiyini hamı bilir. 

Çipsilər trans yağlardan hazırlanılır. Trans yağlar nə deməkdir? Trans yağlar əsasən neft məhsullarından alınır, şirniyyatlar, tortlar, cipsilər bu yağla bişdikdə daha cazibədar və qiyməti də ucuz başa gəlir.

Nəzərinizə çatdırım ki, Avropada artıq bu yağların istifadəsi qadağan olunmuşdur. Bu yağlar insan orqanizmində tam parçalanmırlar, damarların mənfəzini tutub qanın normal hərəkətinin qarşısını alırlar, bu yağlardan daimi istifadə edən adamlarda başağrısı, halsızlıq, ürəkbulanma və ən əsası belə uşaqların yaşıdlarından əqli cəhətdən geri qalmasına səbəb olur. Sonra çipsilərin daha cazibədar və süni surətdə dadlandırmaq üçün qlütamatlardan istifadə olunur. Bu isə insanı özündən asılı vəziyyətə salır, insanın ağız dadını dəyişir və başqa yeyəcəklər belə insanlara dadsız gəlir.

Bir sözlə özümüz öz uşaqlarımızın həyatını korlayırıq.

(1,465 dəfə baxılıb)

Suallarınızı (012) 5618501/ (012) 4927697 nömrələr vasitəsilə əlaqə saxlamaqla verə bilərsiniz.