Dəyərli dostlar, sağlam həyat tərzi haqqında söhbətimiz davam edir.

Deməli, bizdə dırnaqarası bir xəstəlik var ki, bu dünyada çox az rast gəlinən bir xəstəlikdir. Bu –  timus xəstəliyidir. Timus xəstəliyi nə deməkdir?

Deməli, uşaq anadan olandan sonra bir müddət keçəndən sonra uşaqda nəfəs alıb verən vaxtı xırıltı olarsa, onda deməli timus vəzisi hələ də böyük qalıb, yəni normalda belə olmamalı idi. Belə uşaqlara uzun müddətli “qliseram” həbləri yazılır, normalda “qliseram” biyan ekstraktından alınır. Təbii bir preparat demək olar, amma bu işin də bir əmması var. Belə ki, bu preparatın uzun müddətli qəbulu tərkibindəki zəngin saponinlərə görə olmaz, çünki saponinlər hormonal preparatlara bənzər təsir etdiyindən belə insanlarda hormonal pozğunluqlar daha tez əmələ gəlir.

Əziz oxucu, bitkilərlə müalicə aldıqda nə qazandığımızı daha ətraflı yazımda tanış olun. Deməli, hər bir bitkinin tərkibi adından, formasından asılı olmayaraq 21 kimyəvi elementdən ibarətdir. Bu minerallar da 2 qrupa bölünür: üzvi və qeyri-üzvi maddələr.

Deməli, bizim bədənimizə lazım olan bütün mineral maddələr bitkilərin tərkibində vardır. Bu minerallar zülal sintezində iştirak edir. Bu minerallar əzələlərdə, sümüklərdə, beyində bütün toxumalarda, hətta dırnaqlarda, saçda, dərimizdə – hər yerimizdə bütün maddələr mübadiləsində iştirak edirlər. Deməli, biz dərman bitkisindən xəstələndiyimiz zaman istifadə ediriksə, sağalandan sonra bütün bu minerallar bizə əlavə olaraq bonus kimi verilir.

Bugün elm inkişaf edir, bitkilərin tərkibindəki müxtəlif minerallar, maddələr çıxarılır və müxtəlif xəstəliklərin müalicəsində istifadə olunur. Məsələn, kökün tərkibindəki A vitaminini biz uzun zaman xəstəyə versək, həmin insanda beyin xərçəngi əmələ gələ bilər, amma xəstə hər gün nə qədər istəsə kök yesə, beyin xərçəngi əmələ gəlməz və əksinə beyin xərçənginə tutulma riskini azaltmış olar. Bəs bu nəyə görə belədir? Deməli, Allah nəyi necə yaratmışdırsa elə də qəbul olunsa daha yaxşıdır. Çünki kökün tərkibindəki A vitamini bir zəncirin içindədir, bizim orqanizmimiz həmin zənciri kompleks olaraq mənimsəyir. Bu zaman nəinki A vitaminini, həm də kökdəki bütün mineralları orqanizmimiz lazım olan qədər mənimsəyir, amma zəncirdən qırılmış hansısa mineralı isə orqanizm istəsə də istəməsə də mütləq sovuracaq və öz fəsadlarını verəcəkdir.

Əziz oxucu, mən nəyi demək istəyirəm, bu gün bizim respublikamıza dünyanın bütün dövlətlərindən dərmanlar və ya qida əlavələri idxal olunur. Bitkilərin tərkibindəki minerallar və ya vitaminlər təbii preparat kimi biz insanlara təqdim olunur. Belə məhsulları almaqdan çəkinin həmin mineral və ya vitamin hansı meyvədə və ya dərman bitkisində çox varsa ondan istifadə edin. Sənayeləşmə sizi aldatmasın, sağlamlığınızın qədrini bilin.

Daha sadə bir misal çəkim, bugün çox müasir şirəçəkənlər satılır və hamıda ondan istifadə edir. Məsələn, nar meyvəsi qanı duruldur, şirəsi isə əksinə və ya alma meyvəsinin şirəsi çəkiləndə tərkibindəki zəngin sellüloza və ya pektinlər tullantı kimi atılır.

(1,256 dəfə baxılıb)

Suallarınızı (012) 5618501/ (012) 4927697 nömrələr vasitəsilə əlaqə saxlamaqla verə bilərsiniz.