Böyrək xəstəliklərini bir neçə qrupa ayırmaq olar: böyrəyin iltihabi xəstəlikləri, xüsusən də pielonefrit, böyrək daşı xəstəliyi, böyrək çatışmazlığı və ya büzüşməsi, qlomerulonefrit, böyrək və sidik yollarının müxtəlif parazitar və göbələk infeksiyaları və.s.

Ümumiyyətlə, böyrəklər periton boşluğundan çöldə qaldığından soyuğa qarşı çox davamsızdır, ona görə də yüngül bir soyuqlama zamanı dərhal böyrək nahiyəsində ağrı hiss olunur. Böyrəkləri soyuqdan qorumaq üçün ən yaxşı vasitələrdən biri qışda bellik bağlamaqdır. Bellik həmişə böyrəkləri isti saxlayır və iltihabdan qoruyur.

Həddindən artıq duzlu yeməklər böyrəyin bütün toxumalarını zədələyir, onun filtrasiya, yəni süzmə qabiliyyətinə mənfi təsir göstərir. Ona görə də duzu norma daxilində yemək lazımdır. Bəzi insanlar ümumiyyətlə duz yemir, bu sağlamlıq üçün çox ziyandır.

Sintetik dərmanların da çox qəbul edilməsi böyrək yumaqcıqlarını zədələyir və sonda böyrək çatışmazlığı kimi ağır bir fəsadla nəticələnir.

Böyrək iltihabı zamanı böyrək nahiyəsində ağrı, sidik ifrazı zamanı yanma əlamətləri müşahidə olunur, belə xəstələr soyuğa qarşı həssas olur və daha çox vaxt üşüyür. Sidiyin ümumi analizi bu diaqnozu təsdiqləyə bilir, belə ki, sidikdə leykositlərin sayının artması aşkar olunur.

Müalicə məqsədilə iltihab əleyhinə, tərlədici və immun sistemi yüksəldən dərman bitkilərinin qarışığından istifadə etmək lazımdır.

Hərəsindən 100 qram gülümbahar, cökə çiçəyi, biyan kökü və zəncəfil bir-birinə qarışdırılır, qarışıqdan 2 xörək qaşığı 3 stəkan suda 15 dəqiqə dəmlənilir, süzülür, termosa tökülür, gündə 3 dəfə yeməkdən əvvəl 1 stəkan içilir.

Və yaxud bu bitkilər qəhvəüyüdəndə üyüdülür, üzərinə 1 kiloqram bal, yarım kiloqram keçibuynuzu bəkməzi əlavə edib məcun hazırlanır, gündə 3 dəfə 1 çay qaşığı yeməkdən əvvəl yeyilir.

Böyrək iltihabı zamanı müalicə ən azı 2 həftə müddətində, bütün böyrək ağrıları aradan qalxanadək aparılmalıdır ki, xəstəlik xroniki hala keçməsin.

Bu tərkibi hazırlamaqda çətinlik çəkənlər Urotea çayından da istifadə edə bilər. Urotea çayı gündə 3 dəfə 2 filtr-bağlama 1 stəkan qaynar suda dəmlənilib yeməkdən yarım saat sonra ilıq formada içilməlidir.

Bəzi hallarda iltihab əlamətləri sidik yollarını və sidik kisəsini də əhatə edir. Bu zaman sidik kisəsinin iltihabı – sistit baş verir. Sistit çox çətin müalicəyə tabe olduğundan onun müalicəsində udi-hindi içmək çox faydalıdır. Udi-hindi iltihabı götürməklə bərabər sidik kisəsinin əzələsini möhkəmləndirir və sfinkterlərin işini bərpa edir. Sistit zamanı gündə 2 dəfə yeməkdən 2 saat sonra 1/3 çay qaşığı soda və 5 damcı 30 %-li perekisi 1 stəkan çiy suya qarışdırıb 2-3 ay içmək lazımdır.

(9,111 dəfə baxılıb)

Suallarınızı (012) 5618501/ (012) 4927697 nömrələr vasitəsilə əlaqə saxlamaqla verə bilərsiniz.