Oynaq ağrılarının səbəbləri müxtəlifdir, insan yaşlandıqca sümük və oynaqlarda deformasiya – əyilmə baş verdiyindən oynağa düşən yük artır və ağrılar da çoxalır, oynaqlarda iltihab, artroz, fəqərəarası oynaqlarda sürüşmə və yırtıqlar əmələ gəlir.

Oynaqlarda əmələ gələn ağrıların ən çox rast gəlinən səbəbi onurğa fəqərələrində baş verən distrofiya (əhali arasında duzlaşma adı ilə tanınır) və onun son nəticəsi olan osteoxondrozdur. Bədəndə maddələr mübadiləsinin pozulması, oynağın qidalanmasının zəifləməsi, oynaq daxilindəki mayenin azalması nəticəsində oynaq qığırdağı distrofiyaya uğrayır, yəni yapıxır və nazikləşir. Nəticədə də oynaqlar bir-birinə sürtülür, qığırdağın tamlığı pozulur, sonda da dəhşətli ağrılar əmələ gəlməyə başlayır.

Cavan yaşlardan oynaqları qorumaqla yaşlananda artrit və artroz kimi oynaq xəstəliklərinə tutulma riskini azaltmaq olar. Bunun üçün birinci növbədə hər gün açıq havada 1 saat yeyin addımlarla gəzmək və bol çiy su içmək önəmlidir.

Oynaq ağrıları zamanı faydalı resept:

Bal – 1 xörək qaşığı

Çay sodası – 1 xörək qaşığı

Naxçıvan duzu – 1 xörək qaşığı

Xardal tozu – 1 xörək qaşığı

Zeytun yağı – 1 çay qaşığı

Komponentlər bir-birinə qarışdırılır, oynağın üstünə çəkilərək strec sellofanla örtülür, 2 saatdan sonra yuyulub təmizlənir. Və ya 5-10 baş (oynağın böyük və kiçikliyindən asılı olaraq) soyulur 20 dəq buxara verilir və 50-100 qram təzə qoyun quyruğu ilə qarışdırılır oynaq üzərinə qoyulur bağlanılır sellofan işlətmək olmaz. Bağlanandan sonra 3 gün oynaqda saxlanılır

(4,788 dəfə baxılıb)

Suallarınızı (012) 5618501/ (012) 4927697 nömrələr vasitəsilə əlaqə saxlamaqla verə bilərsiniz.