Xurmanın insan orqanizmi ilə qohumluğu barədə yazmaq istəyirəm. Deməli, xurma da insan kimi 70-80 il yaşaya bilir. Bar verən, yəni dişi xurmalar 9-10 ildən sonra məhsul verməyə başlayırlar. Xurma ağacının tozlanması da maraqlıdır. Beləki yazda dişi xurmaların koğuşunda bir yarıq əmələ gəlir, həmin yarığa xurma tozcuğu (poleni) töküb ağzını bağlayırsan və bir ildən sonra həmin yarıqdan balaca xurmalar əmələ gəlməyə başlayır və həmin balaca xurmaları ana xurmanın yanına əkməlisən, başqa yerə əkəndə bitmir və eyni zamanda bar verməyə az qalmış həmin tingi çıxarıb başqa yerə əkmək olur. Necə deyərlər: “Tam bir insan həyatı”

Erkək xurmaların hazırladığı çiçək tozu da çox maraqlıdır. Buna ərəblər tal deyirlər. Tal formasına və iyinə görə kişi mənisiniə oxşayır. İstər kişi, istər qadın sonsuzluğunda çox əhəmiyyətli bir vasitədir. Kişilərdə prostatit (prostat vəzin iltihabı), cinsi zəifliyin azalması və sonsuzluq zamanı balla qarışımı ilə  yeyilir. Tərkibindəki sinkə görə balqabaqdan 6-8 dəfə güclüdür. Tal ümumi yorğunluq, halsızlıq və imtahana hazırlaşan tələbələr üçün əvəzolunmaz qidadır. Hafizəni, yaddaşı və diqqəti artırır.

Bəzən sonsuzluğun səbəbi dölün ana bətnində qalmaması, yəni tez düşməsinə səbəb olur. Belə olan hallarda həm kişi, həm də qadın hər ikisi gün ərzində 10-15 ədəd mədinə xurması yesinlər və hər gün yedikləri xurmaların tumlarını əzib 1 stəkan süddə bişirib içsinlər. Bu zaman döl həm uşaqlıq divarına möhkəm yapışır, həm də düşmür.

Südverən analar xurma yesələr süddə kalsium və kalium miqdarı artır, bu da uşağın sağlam böyüməsini təmin edir. Ürəyi xəstə insanlarda bu hal özünü belə biruzə verir, sinəm yanır və ya sinələrindən paltarları çıxarıb sinəyə hava dəyməsini istəyirlər. Belə insanlar hər gün yeddi ədəd mədinə xurmasını tumları ilə bərabər döyüb əzsinlər və üzərinə süd əlavə edib yaxşı qarışdısınlar və səhərlər ac qarına içsinlər. Bu kokteyl həm də çox dadlı olur (bunu mən bir ərəb qonağım üçün hazırladım adam çox heyran qaldı, dedi –  “bizim hər yerimiz xurmadır, amma bunu ilk dəfədir içirəm.”)

(1,947 dəfə baxılıb)

Suallarınızı (012) 5618501/ (012) 4927697 nömrələr vasitəsilə əlaqə saxlamaqla verə bilərsiniz.