Revmatoid artrit, əsasən oynaq ağrıları ilə müşayiət olunur və oynaqların əyilərək sıradan çıxması ilə nəticələnir. Xəstəlik müalicəyə çox çətin tabe olur və yalnız hormonal dərmanların qəbul edilməsi ağrıların şiddətini azaldır.

Xalq təbabətində revmatoid artrit zamanı çox faydalı üsullardan istifadə edilir.

2 ay fasiləsiz oruc tutmaq lazımdır, çünki aclıq zamanı orqanizmin toxumaları zədələnmir.

Baş, kürək, bel və şişmiş oynaqların ətraflarından həcəmət edilməsi ağrıları azaldır və iltihablaşmış oynaqları zədələnmədən qoruyur.

Həcəmətdən sonra zəli qoyulması bədəndəki qan damarlarını açır, iltihablanmanı azaldır. Hər 10 gündən bir 6 ədəd olmaqla cəmi 42 və ya 48 ədəd zəli qoymaq olar. Əvvəlcə qaraciyərin üstünə 6 ədəd, sonra boyun, kürək və bel nahiyəsinin hər birinə 6 ədəd, sonra büzdüm hissəsinə 6 ədəd, sonda iltihablanmış oynaqların üstünə 6 ədəd zəli qoyulur. 6 ay müddətində gündə 1 dəfə 1 xörək qaşığı itburnu meyvəsi 1 stəkan suda dəmlənilib içilməlidir. Təzyiqi aşağı olanlar dəmləməyə bal əlavə edə bilərlər.

Hər birindən 40 qram olmaqla propolis, zəncəfil, qara zirə, çiçək tozu və udi hindi 1 kq balla qarışdırılır, gündə üç dəfə yeməkdən əvvəl 1 çay qaşığı qəbul edilir. Gündə yarım stəkan suda qaynadılmış noxud yemək lazımdır. Artritli xəstələr təzə kəsilmiş qoyun dərisinin içəri tərəfinə bükülür, səhərdən axşama qədər 3 gün boyunca saxlanır. (adama 2 qoyun dərisi çatır) Bu üsul da effektli üsullardan sayılır.

İldə bir dəfə Naftalan vannası qəbul edilir (maraqlıdır ki, bəzən Naftalan mazı əks təsir edir) və ya Hövsan yolundakı duzlu göldə palçıq bütün bədənə yaxılandan sonra isti qum üstündə 1 saat uzanılır. Müalicə müddəti 20 gündür.

Qobu yolunun üstündə yerləşən vulkan palçığı ilə vanna qəbul edilməsi çox faydalıdır.

15 ədəd tikanlı kəvər çiçəyi 3 stəkan suda dəmlənir, gündə üç dəfə yeməkdən 2 saat sonra 1 stəkan qəbul edilir. Prosedur 1 il aparılır.

(2,954 dəfə baxılıb)

Suallarınızı (012) 5618501/ (012) 4927697 nömrələr vasitəsilə əlaqə saxlamaqla verə bilərsiniz.