250 qram alma sirkəsinin üstünə 50 qram qara zirə (çörəkotu) toxumu töküb vam odda 5 dəqiqə qaynadın, soyuduqdan sonra süzün. Hər dəfə saçları yumazdan 2-3 saat əvvəl həmin məhluldan 2-3 xörək qaşığı götürüb saç diblərinə çəkin, saçları yuduqdan sonra 2 xörək qaşığı məhlulu 1 stəkan ilıq suda həll edin və saçlarınızı yaxalayıb qurulayın. Çalışın məhlul baş dərisinin hər tərəfinə dəysin.

Qara zirə çox güclü antiseptikdir, göbələkləri məhv edərək kəpəyi aradan qaldırır, saç diblərinə qidalandırıcı təsir göstərir, saçların daha canlı və qalın çıxmasına şərait yaradır. Müalicənin təsiri 1 ay ərzində görülür.

Alma sirkəsi isə seboreya və kəpək əleyhinə əla bir vasitədir. Baş dərisində olan bütün səpgiləri və qaşınmanı aradan qaldırır, zərərli mikroorqanizmləri məhv edir.

(3,012 dəfə baxılıb)

Suallarınızı (012) 5618501/ (012) 4927697 nömrələr vasitəsilə əlaqə saxlamaqla verə bilərsiniz.